भगवान्‌को पूजापाठ सामान्यतया बिहान गरिन्छ । बिहानको समय पूजा गर्नका लागि सबै भन्दा महत्वपूर्ण मानिन्छ । हुन त भगवानको आराधना दिनभर जुन कुनै समयमा पनि सच्चा मनले गर्न सकिन्छ । तर पूजा गर्नुको विशेष महत्व मुहूर्तमा हुन्छ ।

बिहानबिहान पूजा गर्दा हाम्रो मन पनि एकाग्र हुन्छ । निद्राबाट उठ्दा मन शान्त र स्थिर रहेको हुन्छ । यताउताको कुरामा हाम्रो दिमाग गएको हुँदैन । भगवानको भक्तिका लागि मनको एकाधिकार एकदमै महत्वपूर्ण छ ।

हामीले दिउँसोको समय कयौँ काममा बिताउने गर्दछौँ । जसका कारण हाम्रो मस्तिष्क पूर्ण रुपमा प्रभावित हुने गर्दछ । कामले गर्दा मन अशान्त हुने गर्दछ । त्यस्तो हुँदा कुनै बेला अधार्मिक कुरामा पनि मन पुग्ने गर्दछ । यस्तो अवस्थामा पूजा गर्न निकै मुस्किल हुने गर्दछ । त्यसैले सबै कुरालाई मध्यनजर गर्दै बिहानको मुहूर्त पूजाका लागि निकै उत्तम हुने गर्दछ ।

बिहानपख पूजा गर्दा दिनभरलाई आनन्द

जहाँ शान्ति र कुनै पनि अधार्मिक कुरा नहुने पूजाबाट भगवान प्रसन्न हुने गर्दछन् । बिहान गरेको पूजाको प्रभावबाट हाम्रो मनमा यति धेरै शक्ति प्राप्त हुन्छ की हाम्रो तनाव तथा समस्या हट्ने गर्दछ । दिमाग तीब्र रुपमा चल्दछ । त्यसैले हामीले एकसाथ कयौँ योजना बनाएर काम गर्न सक्छौँ । यस कारण बिहान पूजा गर्ने परम्परा चलिआएको हो ।

प्रतिक्रिया

सम्बन्धित खवर